الرئيسية / كلمات الأغاني / الأغاني المغربية الشعبية / الملحون / كلمات قصيدة الدار من فن الملحون
فن الملحون
فن الملحون

كلمات قصيدة الدار من فن الملحون

كلمات قصيدة الدار من فن الملحون

من فن الملحون نقدم لكم كلمات قصيدة الدار. قصيدة من نظم سيدي قدور العلمي رحمه الله. استمع للحاج الحسين التولالي ينشد القصيدة وتتبع كلماتها.

استمع لقصيدة الدار من إنشاد الحاج الحسين التولالي

كلمات قصيدة الدار

الدار من نظم سيدي قدور العلمي رحمه الله

واش ما عار عليكم يا رجال مكناس
مشات داري فحماكم يا اهل الكرايم
***
كيف ما ينكد قلبي من شفاية الناس
كيف ما نحزن يا بعدي على المراسم

وكيف بعد فراق اوكاري نروم الجلاس
حوز بوطيب لو نملك الغنايم

شموس بصري الأشراف الطيبين الانفاس
جفيتهم لا زال دوازي عليه نادم

حمايتي واهلي واحبابي وعز لوناس
حوز وكري ملقاهم عالقلب شاهم

كيف ينجى من تلاني عقاب الاجناس
وكيف يربح من خلاني تليف هايم
***
من قوة ما صبرت عن فرقة رسمي
حتى قالو ا نشفت من ندوة الكلام

فرحي للناس ظاهروحزني مكمي
سني يضحك وساكني بالجمر ظلام

مرسمي خويا الشقيق من يويا وامي
واش ينسي فمنزل لغريب الاخ الهمام

نصبر عن عين العدا ونخفي همي
وندير كما يدير فالواد العوام
يرخي العضا معاه ويساعف الغشام

هكداك سعفت ببصري صروف الايام
قل ديي وقوى صمتي وصنت فمي

ما قدرت على صلح ولا نجمت الخصام
واشتغلت مع الدنيا الفانيا بهمي

من لقاني يحسبني من جملة الكرام
ومن بغضني مايعرف غير دي شتمي

اخترت قصيدة مرسومة فرق قرطاس
مديح عجمي مايدري فاللغا نغايم

كغزالة حضرية من بنات اهل فاس
معنقة شي عبد من ضناية الصماصم
***
يا سرف الناس من بغالي د الجليا
وفرح قلبو على محاني واكداري

ياسر ف الناس من عطف قلبة ليا
واشفق من حالتي وبكاه غياري

يا سر ف الناس من ضحك وطنز فيا
يوم فراقي مع احبابي واوكاري

ياسر ف الناس من فتا الري عليا
وزين لي غالخروج من عتبة داري
ومشيت فليلتي من الساعة كاري
****
ما كترني بحبابي ايلا نكون فالخير
يظل وكري ويبات بمجمعهم عامر

شحال من صاحب توجد وكم من عشير
ايلا يكون طعامي فكل وقت حاضر

براطل الدار حديرةغير تنقب تطير
كيف حوت المشرع يجري عل الصنانر

هكداك اصحابي دارو جميع بالكاس
يوم اصبحت خالي لا مال لا مراسم

حق الغاني من عشراني يهز لي الراس
تقول عمرهوم ما كناوني بآسم

مواضيع شبيهة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *