الرئيسية / كلمات الأغاني / الأغاني الشرقية / ام كلثوم / كلمات انت عمري للفنانة ام كلثوم
ام كلثوم
ام كلثوم

كلمات انت عمري للفنانة ام كلثوم

كلمات انت عمري للفنانة ام كلثوم

إليكم كلمات انت عمري للفنانة ام كلثوم، وهي من اجمل اغاني ام كلثوم ، تأليف الشاعر أحمد شفيق كامل ألحان محمد عبد الوهاب وسميت هذه الأغنية بلقاء السحاب لأنها كانت أول تعاون فني بين أم كلثوم ومحمد عبد الوهاب. وهي من مقام الكرد.

استمع لأغنية انت عمري

كلمات انت عمري

رجعوني عنيك لأيامي اللي راحوا

علموني أندم على الماضي وجراحه

اللي شفته قبل ما تشوفك عنيه

عمر ضايع يحسبوه إزاي عليّ

أنت عمري اللي ابتدي بنورك صباحه

قد ايه من عمري قبلك راح وعدّى

يا حبيبي قد ايه من عمري راح

ولا شاف القلب قبلك فرحة واحدة

ولا داق في الدنيا غير طعم الجراح

ابتديت دلوقت بس أحب عمري

ابتديت دلوقت اخاف لا العمر يجري

كل فرحة اشتاقها من قبلك خيالي

التقاها في نور عنيك قلبي وفكري

يا حياة قلبي يا أغلى من حياتي

ليه ما قابلتش هواك يا حبيبي بدري

اللي شفته قبل ما تشوفك عينيه

عمر ضايع يحسبوه إزاي عليّ

أنت عمري اللي ابتدي بنورك صباحه

الليالي الحلوه والشوق والمحبة

من زمان والقلب شايلهم عشانك

دوق معايا الحب دوق حبة بحبة

من حنان قلبي اللي طال شوقه لحنانك

هات عنيك تسرح في دنيتهم عنيا

هات ايديك ترتاح للمستهم ايديا

يا حبيبي تعالى وكفاية اللي فاتنا

هو اللي فاتنا يا حبيب الروح شوية

اللي شفته قبل ما تشوفك عنيه

عمر ضايع يحسبوه إزاي عليّ

أنت عمري اللي ابتدي بنورك صباحه

يا حبيبي تعالى وكفاية اللي فاتنا

هو اللي فاتنا يا حبيب الروح شوية

اللي شفته قبل ما تشوفك عنيا

عمر ضايع يحسبوه إزاي عليّ

أنت عمري اللي ابتدي بنورك صباحه

يا أغلى من أيامي

يا أحلى من أحلامي

خدني لحنانك خدني

من الوجود وابعدني

بعيد بعيد أنا وانت

بعيد بعيد وحدينا

ع الحب تصحى أيامنا

ع الشوق تنام ليالينا

صالحت بيك ايامي

سامحت بيك الزمن

نستني بيك آلامي

ونسيت معاك الشجن

ودعوني عنيك للأيامِ اللي راحوا

علموني أندم على الماضي وجراحه

اللي شفته قبل ما تشوفك عنيه

عمر ضايع يحسبوه إزاي عليّ

مواضيع شبيهة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *